2015印第安12图腾运程预测 – 水濑狼隼河狸

时间:2020-06-04 作者:
中国嘅12生肖同西方嘅12星座就听得多,印第安人用嚟推测运程嘅方法你又听过未?今次要同大家介绍嘅係北美洲12图腾──亦即印第安文化衍生出来嘅12类人分析。

众所周知,印第安人尊崇野生动物同风火水土各种大自然元素,佢哋甚至相信神会透过各种野生动物去同佢哋沟通,所以佢哋嘅文化都特别natural同wild。所以印第安人都好希望自己能够拥有各种野生动物嘅特质,因此出现咗以北美洲各种充满活力嘅动物做代表嘅图腾。

今次我哋除咗介绍12图腾嘅性格之外,仲有各图腾嘅2015年运程预测!废话少讲,就由水濑、狼、隼同河狸开始啦!

 

2015印第安12图腾运程预测 – 水濑狼隼河狸

水濑 Otter

出生日期:1月20日 – 2月19日

特性:

偏离常理、有许多古灵精怪的想法。做事方式多数唔跟常规,但通常都能够好好地完成工作。可能就係因为水濑对事物睇法同一般人唔同,再加上天生的想像力及智慧,令水濑能够搵到另一个达成目标的方法。

直觉及观察力强,识睇眉头眼额,所以能同大部份人做好朋友,又或成为一个好好的聆听者。

诚实、有同情心同敏感的特质亦令水濑能成为很好的指导者。但当水濑自己一个做嘢时,就可能会变得孤僻和不择手段了。

2015年运程预测:

前两年都应该非常忙碌,而今年终于会得到回报了。1月时健康会有小问题,要小心自己身体!

爱情:

由于之前的忙碌会得到回报,所以大可放鬆一下,去寻找另一半或好好处理感情问题吧!整体而言今年爱情运係强势的。

财运:

1月可能会支出较多,尤其係用于朋友间的应酬。年中会有投资回报或加人工的机会,好好把握吧!但10月时危机会出现,有投资的朋友要小心啦。

事业:

之前的忙碌会得到回报,所以大可放鬆休息一下!职场上有机会遇到贵人,令你更上一层楼!

人际关係:

虽然年尾有机会朋友圈子大执位,但大可放心去同朋友或恋人多点相聚!有机会同反咗面的朋友重修旧好,但亦又机会再次见返损友,要小心考虑。

 

2015印第安12图腾运程预测 – 水濑狼隼河狸

狼 Wolf

出生日期:2月20日 – 3月19日

特性:

狼喺众多动物当中代表高傲,同时亦特别尊贵。

「狼人」感情丰富且充满热情,尤其是对着所爱嘅人更加唔会作出任何保留。

但狼本身亦非常独立,钟意一个人独处,对自由亦有所需求。爱情上,如果无咩大事发生,狼会好爱护另一半,而且好少拈花惹草。

但当狼处于低谷时,也许会失去冷静,报复心亦很强。

2015年运程预测:

浪漫热情嘅狼,今年事业上会颇有发展,所以亦会非常忙碌,需要作出心态上嘅调整。但如果工作上真係令狼太压抑,建议都係做返自己好点。

爱情:

无论係单身定恋爱中,都有机会展开新的恋情。假如同另一半感情已经係似有还无,或者係一个机会重新开展另一段关係。8月至9月时要特别注意,因为有可能出现欺骗感情的人。

财运:

2月同3月会有机会得到突如其来的收入,但5月同6月则有机会因为屋企设备而要花费一笔。建议唔好洗脚唔抹脚,留多个钱应付突发的事。

事业:

除咗6月至9月,2015年可以话係狼的事业冲刺期!有空闲时间就抖多点应付随之而来的工作吧!

人际关係:

成年都无咩大变化,除咗3月有机会喺屋企附近认识到新朋友!不过同时要小心同邻居因为无聊事情而发生口角。

 

2015印第安12图腾运程预测 – 水濑狼隼河狸

隼 Falcon

出生日期:3月20日 – 4月19日

特性:

属隼的人天生就拥有领导能力,有责任感,喺一群人中会係可靠的领袖或同伴。

工作上,喺能力範围内,隼隼会倾向快速地完成工作,更会精益求精地想做到最好。同时,亦係一个值得信赖的好同事。

或者有些人会因为唔服隼隼的领导而提出质疑,但多数最后都会发现隼隼的做法先係最好。

隼隼唔係一个死气沉沉的人,无论跟咩人相处都依然充满活力。

当所有人都跟着隼隼的做法而行时,他们会表现得很友善同容易理解。

但係当事情偏离隼隼所谂,或者唔係跟着他的计划而行,隼的态度会180度转变,由乐于助人变得专蛮及苛求。

2015年运程预测:

整体而言,会发生唔少改变价值观的事件,虽然过程唔好受,但亦可以藉此改变自己,重新出发。

爱情:

今年隼隼的爱情运非常强劲!单身的绝对有望喺上半年搵到另一半。但到咗年中,不论係一齐咗几耐,亦可能会出现令你反思呢段关係嘅事情。

财运:

今年财运并唔係太好。3月、6月同7月要谨慎点。另外,亦有可能因为外游同进修要花一笔洗费。

事业:

一直唔起眼的事业运将会好转。后半年可选择注重喺沟通上,将会为你带来更多嘅机会,或减轻工作上嘅压力。

人际关係:

2015年的人际将会十分唔错,透过同朋友沟通及互动,自信心及见识都会有增长。不过要注意的是12月有机会同一直有心病嘅朋友正式决裂,如果唔想发生就要小心讲嘢啦。

 

2015印第安12图腾运程预测 – 水濑狼隼河狸

河狸 Beaver

出生日期:4月20日 – 5月20日

特性:

超级勤奋係河狸俾人的第一印象。管理能力强、适应能力高、同时亦非常有毅力。大多数时间,河狸会做他认为正确的事直到最后一刻。遇上困难时亦多数能够巧妙地解决问题。

凭着小聪明,河狸喺工作同辩论上都会有好好表现,但亦时常会唔小心摆咗姿态及作出踩界言论,所以当一班人倾紧大事时会有机会激嬲人。

心情好的河狸係一个善解人意同真诚的朋友。对爱人会亳无保留地分享自己的事,係一个好好的伴侣。

但係当河狸的原有计划被打乱时,会方寸大乱而且容易发嬲。而且颇为神经质,会用尽一切方法令事情受控。

2015年运程预测:

整年运程会较以往比较多变化,尤其是朋友圈子,但整体而言都係过得比较轻鬆嘅一年。

爱情:

上半年可能会比较沉寂,但踏下半年就会开始好转。单身的可能会遇到新伴侣,而已成双的则会感情更好。

财运:

财运一般,尤其是年中危机较多,要谨慎投资。

事业:

虽然工作上无咩大危机,但要小心唔好犯小错误!年底有机会同同事或上司发生争执,建议唔好太激动!

人际关係:

会发生关于你的流言,切忌因而动气!年初将会有考验,可以趁机会睇清楚边个係真正朋友。

 

图片来源

    相关推荐